საქართველოს ვიცე-პრემიერი, თავდაცვის მინისტრი ირაკლი ჩიქოვანი ზუგდიდში ვლაქერნობის დღესასწაულს დაესწრო, – ინფორმაციას თავდაცვის სამინისტრო ავრცელებს.
„საქართველოს პრეზიდენტ მიხეილ ყაველაშვილთან, პარლამენტის თავმჯდომარე შალვა პაპუაშვილთან, ადგილობრივი ხელისუფლების წარმომადგენლებთან და მართლმადიდებელ მრევლთან ერთად, ირაკლი ჩიქოვანი დადიანების სასახლეთა ისტორიულ–არქიტექტურული მუზეუმიდან ყოვლადწმინდა ღვთისმშობლის კვართის გამობრძანებას დაესწრო. თავდაცვის მინისტრი ტრადიციულ მსვლელობას შეუერთდა და ზუგდიდის ივერიის ყოვლადწმინდა ღვთისმშობლის სახელობის საკათედრო ტაძარში საზეიმო ლიტურგიაზე იმყოფებოდა.
ვლაქერნობის დღესასწაული საქართველოს კათოლიკოს-პატრიარქის, ილია მეორის ლოცვა-კურთხევითა და მეუფე გერასიმეს წინამძღოლობით ათეული წლებია იმართება. ამ დღეს ზუგდიდში თავს იყრის მართლმადიდებელი მრევლი საქართველოსა და მსოფლიოს სხვადასხვა ქვეყნიდან“, – აღნიშნულია გავრცელებულ ინფორმაციაში.