აშშ-ის პრეზიდენტი დონალდ ტრამპი მიიჩნევს, რომ რუსეთს უკრაინის წინააღმდეგ ომში უპირატესობა აქვს, – ამის შესახებ „პოლიტიკო“ თეთრი სახლის მაღალჩინოსანზე დაყრდნობით წერს.
გამოცემის წყაროს თქმით, ტრამპის მიერ უკრაინის დახმარება არ ნიშნავს, რომ აშშ-ის პრეზიდენტი მიიჩნევს, რომ ვოლოდიმირ ზელენსკის კოზირი აქვს.
როგორც „პოლიტიკო“ წერს, „ტრამპი მაინც მიიჩნევს, რომ მოსკოვს უპირატესობა აქვს. მაგრამ ვინაიდან მისი იმედგაცრუება ვლადიმერ პუტინის მიმართ იზრდება, ის მზადაა, მონაწილეობა მიიღოს კონფლიქტში“.
„პრეზიდენტი მიიჩნევს, რომ რუსეთი გაიმარჯვებს. კითხვა მხოლოდ იმაშია, რამდენი დრო დასჭირდება ამას“, – განაცხადა თეთრი სახლის მაღალჩინოსანმა.
როგორც წყარო ამბობს, რუსეთი ნელა, მაგრამ მაინც აღწევს პროგრესს ამ ომში, ხოლო ტრამპს ამ მკვლელობების შეჩერება სურს.
კომენტარები