ეროვნული თავდაცვის აკადემიაში საბაკალავრო ნაშრომების დაცვა განხორციელდა

ეროვნული თავდაცვის აკადემიაში საბაკალავრო ნაშრომების დაცვა განხორციელდა.
იუნკერებმა კომისიის წევრებს წარუდგინეს ნაშრომები თავდაცვა და უსაფრთხოების, მენეჯმენტის და ინფორმატიკის საბაკალავრო საგანმანათლებლო პროგრამების მიმართულებით.
საკვალიფიკაციო ნაშრომების დაცვის პროცესი საინტერესოდ მიმდინარეობდა, საბაკალავრო თემები ეხებოდა ისეთ აქტუალურ და მნიშვნელოვან საკითხებს, როგორიცაა: ,,დიდი ძალების მეტოქეობა თანამედროვე საერთაშორისო სისტემაში“, ,,მაღალტექნოლოგიური კორპორაციების როლი საერთაშორისო პოლიტიკაში“, ,,ხელოვნური ინტელექტის როლი სატელიტური სისტემების ოპტიმიზაციასა და მართვაში“, ,,დიდ მონაცემთა დამუშავების სტრატეგიები და როლი სამხედრო საქმეში“, ,,ეფექტური მოლაპარაკებები და მანიპულაცია, როგორც წარმატების გასაღები“, ,,ლიდერობის ევოლუცია: სახეები, მოდელები და პიროვნული განვითარების გზები“ და სხვა.
საბაკალავრო ნაშრომების დაცვა იუნკერებს საშუალებას აძლევს მოახდინონ სწავლის განმავლობაში მიღებული ცოდნის შეჯამება, კვლევითი და პრაქტიკული უნარ-ჩვევების გამოვლენა. იუნკერებმა, რომლებმაც წარმატებით დაიცვეს საბაკალავრო ნაშრომები მოიპოვებენ ბაკალავრის აკადემიურ ხარისხს შესაბამის სპეციალობაში და შესაძლებლობა ექნებათ სწავლა განაგრძონ უმაღლესი განათლების მეორე საფეხურზე.