უკრაინაში კიდევ ერთი ქართველი მებრძოლი დაიღუპა.
გავრცელებული ინფორმაციით, დაღუპული 23 წლის ვალერი ბაძაღუაა.
წალენჯიხის მერის მოადგილის, თამარ ბელქანიას ინფორმაციით, ვალერი ბაძაღუას სამხედრო წესით წალენჯიხაში დაკრძალავენ.
„კიდევ ერთი წალენჯიხელი, ჯგალელი 23 წლის ვალერი ბაძაღუა უკრაინის ისტორიაში შევა როგორც გმირი! მას წალენჯიხაში სამხედრო წესით, როგორც მებრძოლს რუსული ბოროტების წინააღმდეგ, დაკრძალავენ!
მას შეეძლო სივრცე დაეტოვებინა, თუმცა დედით უკრაინელმა და მამით ქართველმა სამშობლოსათვის ბრძოლა და თავგანწირვა არჩია!
ჩვენ მას არასოდეს დავივიწყებთ!
#დიდებაგმირებს!“,– წერს ბელქანია „ფეისბუქზე“.
კომენტარები