გაეროს მოხსენებაში, რომელიც ეფექტიანობის გაზრდისა და ხარჯების შემცირების გზებს ეძღვნება, ორგანიზაცია აღიარებს: მის მოხსენებებს ძალიან ცოტანი კითხულობენ. ინფორმაციას Reuters-ი ავრცელებს.
გაეროს გენერალური მდივნის, ანტონიო გუტერეშის განცხადებით, 2024 წელს გაეროს სისტემამ უზრუნველყო 27 ათასი სხდომის გამართვა 240 ორგანოს მონაწილეობით, ხოლო მდივანმა 1100 მოხსენება მოამზადა, რაც 20%-ით მეტია, ვიდრე 1990 წელს.
„შეხვედრებისა და მოხსენებების უზარმაზარ რაოდენობას სისტემა და ყველა ჩვენგანი ზღვარზე მივყავართ. ამ მოხსენებების დიდ ნაწილს არავინ კითხულობს. ყოველ მეხუთე დოკუმენტს ათასზე ნაკლები ჩამოტვირთვა აქვს. და ჩამოტვირთვა აუცილებლად არ ნიშნავს წაკითხვას“, – განაცხადა გუტერეშმა.
გუტერეშმა კოლეგებს ნაკლები სხდომის ჩატარება და ნაკლები მოხსენების მომზადება შესთავაზა.