ისრაელის პრემიერ-მინისტრი ბენიამინ ნეთანიაჰუ აცხადებს, რომ შეძრწუნებულია „ჰამასის“ მიერ გავრცელებული ვიდეოჩანაწერით, სადაც ჩანს ორი მძევალი, რომლებიც 2023 წლის 7 ოქტომბერს ისრაელზე თავდასხმის დროს აიყვანეს მძევლად.
ნეთანიაჰუს თქმით, ვიდეო ასახავს „ჰამასის“ სურვილს, რომ გატეხოს ისრაელი.
„ისინი მათ აშიმშილებენ ისე, როგორც ნაცისტები აშიმშილებდნენ ებრაელებს და როდესაც ამას ვხედავ, ზუსტად ვხვდები, რისი სურვილი აქვს „ჰამასს“. მას არ სურს შეთანხმება. მას სურს ჩვენი გატეხვა ამ საშინელი ვიდეოებით, ყალბი პროპაგანდით, რომელსაც მთელ მსოფლიოში ავრცელებს. მაგრამ ჩვენ არ გავტყდებით. მე კიდევ უფრო ძლიერი გადაწყვეტილებით ვარ აღსავსე ჩვენი გატაცებული შვილების გათავისუფლების, „ჰამასის“ განადგურებისა და იმის უზრუნველსაყოფად, რომ ღაზა აღარ შეუქმნის საფრთხეს ისრაელის სახელმწიფოს“, – აღნიშნა ნეთანიაჰუმ.
შეგახსენებთ, რომ „ჰამასმა“ გამოაქვეყნა ორი მძევალის, 21 წლის რომ ბრასლავსკისა და 24 წლის ევიატარ დავიდის ვიდეო, რომლებიც ძალიან გამხდრები და დაუძლურებულები ჩანან. ვიდეოს ისრაელში მწვავე რეაქცია მოჰყვა