აშშ-ის სახელმწიფო მდივანმა, მარკო რუბიომ საფრანგეთის საგარეო საქმეთა მინისტრთან, ჟან-ნოელ ბაროსთან სატელეფონო საუბარი გამართა, რა დროსაც მხარეებმა კრიზისი უკრაინაში, ირანი და სომხეთ-აზერბაიჯანის ურთიერთობები განიხილეს. ინფორმაციას სახელმწიფო დეპარტამენტი ავრცელებს.
„სახელმწიფო მდივანმა და საგარეო საქმეთა მინისტრმა ბარომ დაადასტურეს მისწრაფება იმის უზრუნველსაყოფად, რომ ირანმა არასდროს შექმნას ბირთვული იარაღი. მათ აგრეთვე განიხილეს ღაზის სექტორში შექმნილი ჰუმანიტარული ვითარება და ცეცხლის შეწყვეტა, რუსეთ-უკრაინის ომის დასრულება, აზერბაიჯანსა და სომხეთს შორის მშვიდობის დამყარება“, – აღნიშნულია ინფორმაციაში.
გარდა ამისა, რუბიომ და ბარომ სუდანში მიმდინარე კონფლიქტი განიხილეს.
კომენტარები