ეროვნული თავდაცვის აკადემიაში სამხედრო სამეცნიერო-პრაქტიკული კონფერენცია გაიმართა

დავით აღმაშენებლის სახელობის საქართველოს ეროვნული თავდაცვის აკადემიაში სამხედრო სამეცნიერო-პრაქტიკული კონფერენცია „სტაბილურობა ახლო აღმოსავლეთში და საქართველოს უსაფრთხოების გამოწვევები“გაიმართა.
კონფერენცია გახსნა და მისასალმებელი სიტყვა წარმოთქვა აკადემიის სამეცნიერო კვლევითი ცენტრის უფროსმა, პოლკოვნიკმა გიორგი ლაღიაშვილმა.
ღონისძიებას ესწრებოდნენ: აკადემიის ხელმძღვანელი პირები, აკადემიური პერსონალი, მკვლევარები და მოწვეული სტუმრები.
კონფერენციაზე გაკეთდა მოხსენებები ისეთ აქტუალურ თემებზე, როგორიცაა: „სტაბილურობა ახლო აღმოსავლეთში და საქართველოს უსაფრთხოების გამოწვევების სამართლებრივი ასპექტები“, “ირანის საგარეო პოლიტიკური ინტერესები სამხრეთ კავკასიაზე: საფრთხეები და შესაძლებლობები“, „სირიაში რეჟიმის ცვლილების გავლენა
ახლო აღმოსავლეთის გეოპოლიტიკაზე და სამხრეთ კავკასიის კონტექსტი“ და სხვა.
კონფერენციის მსვლელობის დროს აუდიტორიის მხრიდან დაისვა არაერთი კითხვა, რაზეც მომხსენებლებმა თავიანთი კომპეტენციის ფარგლებში გასცეს ამომწურავი პასუხები.
კონფერენციის დასრულების შემდეგ, მონაწილეებს გადაეცათ სერტიფიკატები.