როგორც გერმანული გამოცემა BILD-ი იტყობინება, დონალდ ტრამპმა გერმანიის კანცლერ ფრიდრიხ მერცს სატელეფონო საუბარში განუცხადა, რომ მისმა სპეციალურმა წარმომადგენელმა, სტივ უიტკოფმა რუსეთის პრეზიდენტ ვლადიმირ პუტინთან უფრო პროდუქტიული შეხვედრა გამართა, ვიდრე მოსალოდნელი იყო.
მანამდე, ტრამპის წარმომადგენელმა მოსკოვში პუტინთან სამსაათიანი შეხვედრა გამართა.
ამ მოლაპარაკებების დეტალები ჯერჯერობით უცნობია, ისევე როგორც გაურკვეველი რჩება, მართლაც მზად არის თუ არა პუტინი ცეცხლის შეწყვეტის შესახებ რაიმე დათმობაზე წასასვლელად.
ტრამპის მიერ დაწესებული ვადა პარასკევს იწურება. ამ დროისთვის პუტინი უკრაინაში ცეცხლის შეწყვეტას უნდა დათანხმდეს, წინააღმდეგ შემთხვევაში რუსეთსა და მის მოკავშირეებს ამერიკული ტარიფები, 100 პროცენტის ოდენობით, დაუწესდებათ.
კომენტარები