ლიეტუვის პრემიერ-მინისტრობის კანდიდატი, ყირიმის ანექსიის შემდეგ რუსეთს სტუმრობდა. ინფორმაციას ამის შესახებ გამოცემა „დელფი“ ავრცელებს.
როგორც ცნობილი ხდება, ლიეტუვის სოციალური დაცვისა და შრომის მინისტრი ინგა რუგინენე, რომელიც პრემიერ-მინისტრის თანამდებობაზეა წარდგენილი, რუსეთის მიერ ყირიმის ანექსიის შემდეგ რუსეთში იმყოფებოდა. ამის შესახებ ისაუბრა პრემიერ-მინისტრობის კანდიდატის მრჩეველმა, იგნას ალგირდას დობროვოლსკასმა. მან ასევე განაცხადა, რომ რუგინენს აქვს უკრაინული წარმოშობა.
„მინისტრი მოსკოვში იმყოფებოდა 2015 და 2018 წლებში, ის სტუმრობდა ბებიის შორეულ ნათესავებს. თავად ბებია კი წარმოშობით უკრაინის ქალაქ კრამატორსკიდანაა“, – განაცხადა პრემიერ მინისტრობის კანდიდატია მრჩეველმა.
მოგვიანებით ამ საკითხზე თავად პრემიერ-მინისტრობის კანდიდატმაც გააკეთა კომენტარი. მისი თქმით, ის რუსეთში ნათესავების მონახულებისთვის ვიზიტების გამო არ გრძნობს სირცხვილს. მისივე თქმით, ის უკრაინის მხარდამჭერია და ამის შესახებ არაერთხელ უსაუბრია.
ცნობისთვის, 6 აგვისტოს ლიეტუვის მმართველმა სოციალ-დემოკრატიული პარტიის პრეზიდიუმმა მთავრობის მეთაურის კანდიდატად ინგა რუგინენევ აირჩია. ქვეყნის ყოფილი ლიდერი გიტაუტას პალუცკასი გადადგა მას შემდეგ, რაც მის საეჭვო ბიზნესკავშირებთან დაკავშირებით გამოძიება დაიწყო.