ეროვნული თავდაცვის აკადემია სამაგისტრო პროგრამებთან დაკავშირებით ინფორმაციას ავრცელებს

ეროვნული თავდაცვის აკადემია სამაგისტრო პროგრამებთან დაკავშირებით ინფორმაციას ავრცელებს.

ეროვნული თავდაცვის აკადემიის თავდაცვის ანალიზის,  უსაფრთხოების კვლევების და სახელმწიფო რესურსების მართვის სამაგისტრო საგანმანათლებლო პროგრამებზე მობილობის წესით მიიღებიან:

1. საქართველოს თავდაცვის სამინისტროს სისტემის სამხედრო მოსამსახურეები, სამოქალაქო და სახელმწიფო სპეციალური წოდების მქონე პირები,  სხვა სახელმწიფო უწყებათა მოსამსახურეები, აგრეთვე საქართველოს მოქალაქეობის მქონე სამოქალაქო პირები, რომლებიც აკმაყოფილებენ სამაგისტრო პროგრამაზე  მობილობით მიღების კრიტერიუმებს;

2. კანდიდატები, რომლებიც დარეგისტრირდნენ მობილობის წესით ჩასარიცხი პირების ელექტრონულ პორტალზე students.emis.ge და რეგისტრაციისას აირჩიეს აკადემიის მაგისტრატურის საგანმანათლებლო პროგრამა/პროგრამები;

 

. რომლებიც წარმოადგენენ სხვა უმაღლეს საგანმანათლებლო დაწესებულების მიერ გაცემულ ოფიციალურ დოკუმენტს – აკადემიური მოსწრების ცნობას;

3. ჩააბარებენ მისაღებ გამოცდას სპეციალობაში-გასაუბრება (მისაღები გამოცდის თემატიკა გამოქვეყნდება აკადემიის ვებ-გვერდზე შიდა გამოცდის თარიღამდე მინიმუმ ორი კვირით ადრე);

✔ თავდაცვის ანალიზის  სამაგისტრო პროგრამა – 10 მისაღები ადგილი

✔ უსაფრთხოების კვლევების სამაგისტრო პროგრამა – 10 მისაღები ადგილი

✔ სახელმწიფო რესურსების მართვის სამაგისტრო პროგრამა – 10 მისაღები ადგილი

4. კანდიდატების საბუთების მიღება იწარმოებს 2025 წლის 25 აგვისტოდან 9 სექტემბრის ჩათვლით. ორშაბათი – ხუთშაბათი 09:00 საათიდან 17:00 საათამდე, ხოლო პარასკევს – 09:00 საათიდან 15:00 საათამდე, თავდაცვის სამინისტროს გამშვებ პუნქტზე ( მისამართი – ქ. თბილისი, დ.უზნაძის 117 ა).

5. კონკურსზე დაშვებულ  კანდიდატებთან მისაღები გამოცდა სპეციალობაში ჩატარდება 2025 წლის 11 სექტემბერს (მისამართი – ქ. თბილისი, დ.უზნაძის 117 ა).

ა)  კონკურსზე დაშვებულ  კანდიდატები უნდა გამოცხადნენ მაგისტრატურაში და გაიარონ რეგისტრაცია 09:00 საათზე, ხოლო გამოცდა დაიწყება 10:00 საათზე. ( მისამართი – ქ. თბილისი, დ.უზნაძის 117 ა).

კანდიდატების მიერ წარმოსადგენი საბუთების ნუსხა:

1. განცხადება (ივსება საბუთების წარმოდგენისას);

2. ავტობიოგრაფია (ივსება საბუთების წარმოდგენისას);

3. პირადობის მოწმობა (ასლი);

4. საქართველოს მოქალაქის ბიომეტრიული პასპორტი (ასლი) (არ არსებობის შემთხვევაში წარმოადგენს მოგვიანებით);

5. ბაკალავრის დიპლომი და დიპლომის დანართი (ასლი) (ან უცხო ქვეყნის საგანმანათლებლო დაწესებულებაში მიღებული განათლების დამადასტურებელი დოკუმენტის ქართულ ენაზე ნათარგმნი ნოტარიულად დამოწმებული  დედანი  (დიპლომის ან მასთან გათანაბრებული დოკუმენტის არ არსებობის შემთხვევაში ცნობა კვალიფიკაციის მინიჭების შესახებ);

6. ინგლისური ენის ცოდნის B2 დონის დამადასტურებელი დოკუმენტი (სერთიფიკატი/დიპლომი/მოწმობა) (დედანი და ასლი);

7. მიღებული სერთიფიკატების ასლები (არსებობის შემთხვევაში);

8. ცნობა სამსახურის ადგილიდან (იმ კანდიდატისათვის, რომელიც ოფიციალური წერილით არ არის წარმოდგენილი აკადემიის სამაგისტრო პროგრამაზე სახელმწიფო ინსტიტუტებიდან);

9. საერთო სამაგისტრო გამოცდებზე მიღებული შეფასებები (ამონაბეჭდი შეფასებისა და გამოცდების ეროვნული ცენტრის ვებ გვერდიდან -www.naec.ge);

ფერადი ფოტოსურათი 3×4-ზე – 6 ცალი;

CD დისკი ფოტოსურათის ელექტრონული ვერსიით – 1 ცალი;

მუყაოს საქაღალდე.

 

კონკურსზე დაშვებულ კანდიდატებთან ჩატარდება მისაღები გამოცდა სპეციალობაში (გასაუბრება).

 

იხილეთ ბმული: https://shorturl.at/smN44