“ქართული ოცნების” ახალგაზრდული ორგანიზაცია განცხადებას ავრცელებს.
”ფიდელიტასის’’ პრეზიდენტი, იშტვან მოჰაჩი ქართულ-უნგრული მეგობრობის ახალგაზრდულ ბანაკს ეხმაურება და გიორგი ჩაკვეტაძეს პროექტის მასპინძლობისთვის მადლობას უხდის
,,ზაფხულში „ფიდელიტასის“ ახალგაზრდულმა ორგანიზაციამ და პარტია „ქართული ოცნების“ ახალგაზრდული ორგანიზაციის წევრებმა ხელი მოაწერეს ურთიერთთანამშრომლობის მემორანდუმს ახალგაზრდობის, სპორტისა და კულტურის სფეროებში.
ჩვენ შევძელით შესანიშნავი პარტნიორობის დამყარება პრეზიდენტ გიორგი ჩაკვეტაძესთან, რადგან ყველასთვის მნიშვნელოვანია, რაც შეიძლება მალე განვავითაროთ მჭიდრო ურთიერთობები ქართველ და უნგრელ ახალგაზრდებს შორის – რითაც ჩვენს ქვეყნებს შორის თანამშრომლობა კიდევ უფრო გაღრმავდება.
თანამშრომლობის ფარგლებში, ახალგაზრდა უნგრელები „ფიდელიტასიდან“ საქართველოს ეწვივნენ. მათ გიორგი ჩაკვეტაძისგან საჩუქარი – საქართველოს ხელმოწერილი დროშა გადმომცეს. მადლობა ქართული დროშისთვის, რომელიც გამომიგზავნეთ – ეს უაღრესად ღირებული და გულწრფელი გულისხმიერებაა!
მალე უნგრელი და ქართველი პატრიოტი ახალგაზრდები პირადად შეხვდებიან ერთმანეთს ბუდაპეშტში, „ფიდელიტასის“ კონგრესზე!”