“მჯერა ერთად განვაგრძობთ ჩვენი უბნების განვითარებას, რადგან ეს საერთო საქმე და ჩვენი მომავალია”

ქალაქ თბილისის საკრებულოში „ქართული ოცნების“ მაჟორიტარობის კანდიდატი ლილო-ორხევის ოლქში, მამუკა ხაბარელი სოციალურ ქსელში სტატუსს აქვეყნებს და წერს, რომ ეს არის უდიდესი პატივი და ამავე დროს შესაძლებლობა, მოსახლეობის საჭიროებებზე ზრუნვისთვის.

„ჩემთვის უდიდესი პატივია, ვიყო წარდგენილი თბილისის საკრებულოში „ქართული ოცნების“ მაჟორიტარობის კანდიდატად, ლილო-ორხევის ოლქში. ეს არის შესაძლებლობა, ჩემი ცოდნა, გამოცდილება და ენერგია მივმართო ამ ოლქში მცხოვრები მოსახლეობის წინსვლისა და კეთილდღეობისკენ. მიგულეთ თქვენ გვერდით – მასშტაბური პროექტების განხორციელების თუ ერთი ეზოს საჭიროებაზე ზრუნვისას. მჯერა, ერთად გავაგრძელებთ ჩვენი უბნების განვითარებას, რადგან ეს საერთო საქმე და ჩვენი მომავალია. მადლობა “ქართული ოცნების” გუნდს, პრემიერ-მინისტრ ირაკლი კობახიძეს და თბილისის მერს, კახა კალაძეს ნდობისა და მხარდაჭერისთვის”, – აცხადებს მამუკა ხაბარელი.