ფონდ „ღია საზოგადოება – საქართველოს“ აღმასრულებელი დირექტორი, ქეთი ხუციშვილი აცხადებს, რომ არაფერი იცის გავრცელებულ ინფორმაციასთან დაკავშირებით, რომლის მიხედვითაც IDFI-ს აღმასრულებელ დირექტორს, გიორგი კლდიაშვილს ბიზნესი აქვს რუსეთის მოქალაქეებთან, აცხადებს, რომ ახლა ისვენებს და არაფერი უნახავს. ინფორმაციას „კვირა“ ავრცელებს.
მათი ცნობით, კლდიაშვილის შესახებ დასმულ კითხვაზე, ხუციშვილი აცხადებს: „რა ინფორმაცია? მე ახლა ვისვენებ და არაფერი მინახავს“.
„იმედინიუსისთვის“ ცნობილი გახდა, რომ გიორგი კლდიაშვილს ბიზნესი აქვს რუსეთის მოქალაქეებთან, გიორგი როჩიკაშვილთან და დავით სპარსიაშვილთან ერთად, კერძოდ, ამ პირებთან ერთად, კლდიაშვილი შპს „ქვევრების“ დაფუძნებელია და კომპანიის 32.32 პროცენტს ფოლობს, გიორგი როჩიკაშვილი 26.2 პროცენტს, ხოლო, დავით სპარსიაშვილი – 5.5 პროცენტს.