მინეაპოლისში, კათოლიკურ სკოლაში მომხდარ სროლას ორი ბავშვი ემსხვერპლა. დაღუპულები 8 და 10 წლის არიან. ინფორმაციას ამის შესახებ ტელეკომპანია CNN-ი ავრცელებს.
ინციდენტი სასწავლო წლის დაწყებიდან პირველივე კვირას მოხდა.
ოფიციალური პირების განცხადებით, დაშავებულია კიდევ 17 ადამიანი, რომელთაგან 14 ბავშვია.
„ეს იყო მიზანმიმართული ძალადობრივი ქმედება უდანაშაულო ბავშვებისა და სხვა მლოცველების წინააღმდეგ“, – განაცხადა მინეაპოლისის პოლიციის უფროსმა, ბრაიან ო’ჰარამ.
კომენტარები