ნახეთ ოფიციალურად გამოქვეყნებული შესაბამისი დოკუმენტები იმისა, თუ როგორ იძენდნენ კონკრეტული ეგრეთ წოდებული სამოქალაქო სექტორის წარმომადგენლები აქციებისთვის იმ სახის ეკიპირებას, რომელიც არა მშვიდობიანი აქციისთვის, არამედ პირიქით – ძალადობრივი აქციისთვის არის საჭირო, – განაცხადა პარლამენტის საპროცედურო საკითხთა კომიტეტის თავმჯდომარე დავით მათიკაშვილმა.
უმრავლესობის დეპუტატი გამოეხმაურა ინფორმაციას, რომლის თანახმად, გავლენიანი „ენჯეოები“ აქციების მონაწილეებს აირწინაღებით, წიწაკის სპრეით და სხვა მასალებით შემდგომი ძალადობრივი ქმედებებისთვის ამარაგებდნენ.
„ძალიან ლოგიკურია როდესაც სახელმწიფოს წინააღმდეგ მიმართული ქმედების გამო პროკურატურა საბოტაჟის მუხლით აღძრავს საქმეს და მიმდინარეობს შესაბამისი გამოძიება“, – აცხადებს მათიკაშვილი.
კომენტარები