ცალ-ცალკე, თუ ერთად, ემსახურებიან ამოცანას, რომ როგორმე საქართველოში ხელისუფლება შეცვალოს მარიონეტულმა ხელისუფლებამ, – განაცხადა საქართველოს პარლამენტის თავმჯდომარის პირველმა მოადგილემ, გიორგი ვოლსკიმ.
ვოლსკი გამოეხმაურა ოპოზიციაში არსებულ დაპირისპირებას და აღნიშნა, რომ მიუხედავად ამ დაძაბულობისა, მათი მთავარი მიზანი, რომ საქართველო ჩაითრიონ ომში, უცვლელია.
„მთავარი ამოცანა და მთავარი მიზანი არ იცვლება – ცალ-ცალკე, თუ ერთად, ემსახურებიან ამოცანას, რომ როგორმე საქართველოში ხელისუფლება შეცვალოს მარიონეტულმა ხელისუფლებამ და როგორმე იმ გლობალურ სცენარში ჩაერთოს საქართველო, რომელსაც ჰქვია პროქსი ომი სამხრეთ კავკასიის ტერიტორიაზე. სხვა იმის იქით არაფერი არ არსებობს. შიგნით ხანდახან ერთმანეთთან შელაპარაკება მოუვათ, მწარე სიტყვებით მოიხსენიებენ ერთმანეთს, მაგრამ მთავარი არის ის ამოცანა, რომლის გარეთ არ უნდა გავიდეს არცერთის ქმედება“, – აცხადებს ვოლსკი.
თამარ ჩერგოლეიშვილთან დაკავშირებული სკანდალი ოპოზიციაში მორიგი დაპირისპირებისა და შიდა განხეთქილების მიზეზი გახდა. „ნაციონალური მოძრაობის“ თავმჯდომარე თინა ბოკუჩავა, რვა პარტიის ფორმატში მყოფ პარტიებს მიმართავს, თამარ ჩერგოლეიშვილთან ურთიერთობის დასრულების შესახებ გადაწყვეტილება მიიღონ.
პარტია „ფედერალისტების” ლიდერმა თამარ ჩერგოლეიშვილმა „ფეისბუქზე” კომენტარებში მის მიმართ შეურაცხმყოფელი კომენტარების ავტორებს მათივე „ფეისბუქის” პროფილიდან აღებული მცირეწლოვანი ბავშვების ფოტოების გამოყენებით უპასუხა. აღნიშნულს როგორც ოპოზიციონერების, ისე საზოგადოების მხრიდან „ფედერალისტების“ ლიდერის კრიტიკა მოჰყვა.