საფრანგეთის პრეზიდენტმა ემანუელ მაკრონმა განაცხადა, რომ აშშ-ის ელჩის, ჩარლზ კუშნერის მიერ (რომელიც ამავდროულად დონალდ ტრამპის სიძის მამაა) საფრანგეთის კრიტიკა დიპლომატისთვის „მიუღებელია“. ამ თემაზე მან Face The Nation-თან ისაუბრა.
აგვისტოში კუშნერმა საჯაროდ დაადანაშაულა მაკრონი ანტისემიტიზმის წინააღმდეგ საბრძოლველად არასაკმარისი ზომების მიღებაში და ქვეყნის საგარეო პოლიტიკური პოზიციები საფრანგეთში ებრაელების წინააღმდეგ ძალადობის შიდა ინციდენტების ზრდას დაუკავშირა.
„ეს არის შეცდომა და მიუღებელი განცხადებაა იმ ადამიანისთვის, ვინც დიპლომატი უნდა იყოს“, – თქვა მაკრონმა.
მან დასძინა, რომ: „თუ დიპლომატი ხარ, დიპლომატიის წესები უნდა დაიცვა…. გადასახადის გადამხდელთა ფული სათანადოდ არ გამოიყენება ამ ტიპის განცხადებების დასაფინანსებლად“.
კომენტარები