20 წლის ამერიკელმა მომღერალმა D4vd (ნამდვილი სახელი დევიდ ბერკი) 15 წლის სელესტა ერნანდესი მკვლელობის გამოძიების გამო თავისი ამერიკული ტურნეს დარჩენილი კონცერტები გააუქმა.
ერნანდესის ცხედარი მას შემდეგ აღაჩინეს, რაც ლოს-ანჯელესის პოლიციამ D4vd-ის კუთვნილი Tesla-დან მომავალი უსიამოვნო სუნის გამო ევაკუატორი გამოიძახა.
გოგონას ვინაობა სამედიცინო ექსპერტიზის მეშვეობით დაადგინეს. ერნანდესი 2024 წლის აპრილიდან დაკარგულად ითვლებოდა. სპეციალისტებს მოზარდის გარდაცვალების ზუსტი მიზეზი ჯერ ვერ დაადგინეს, თუმცა მომხდარს მკვლელობის მუხლით იძიებენ. მომღერალი სამართალდამცველებთან თანამშრომლობს.
მედიის ინფორმაციით, სელესტა და D4vd რომანტიკულ ურთიერთობებში იმყოფებოდნენ. მსმენელები კი წერენ, რომ არასრულწლოვანთან რომანისა და მისი მკვლელობის შესახებ მინიშნებები მომღერლის სიმღერების ტექსტებშია.
D4vd-ის სიმღერა Here With Me TikTok-ზე და სხვა სოციალურ ქსელებში ძალიან დიდი პოპულარობით სარგებლობს.