,,ბაქოში გამართული უსაფრთხოების ფორუმი, სადაც 95 ქვეყნის სპეცსამსახურების ხელმძღვანელი შეიკრიბა, ნათლად აჩვენებს საერთაშორისო უსაფრთხოების დღის წესრიგის მნიშვნელობას და საქართველოს აქტიურ როლს ამ პროცესში. სუს-ის ხელმძღვანელის, მამუკა მდინარაძის მონაწილეობა მსგავს მაღალი დონის ღონისძიებაში ფორმალობა არ არის, ის რეალურად ასახავს საქართველოს, როგორც სანდო პარტნიორისა და უსაფრთხოების საკითხებში სერიოზული მოთამაშის სტატუსს”,- ამის შესახებ ექსპერტი დავით ჩიხელიძე სოციალურ ქსელში წერს.
როგორც ჩიხელიძე აღნიშნავს, მამუკა მდინარაძის ვიზიტი ბაქოში მხოლოდ სამუშაო შეხვედრების კრებული კი არა, არამედ უფრო ფართო სიგნალია: საქართველოს მთავრობას, რომელსაც „ქართული ოცნება“ წარმოადგენს, აქვს ლეგიტიმაცია და საერთაშორისო პარტნიორების ნდობა. ეს ნდობა კი ქვეყნის უსაფრთხოების და განვითარებისთვის გადამწყვეტ მნიშვნელობას ატარებს.
„ბაქოში გამართული უსაფრთხოების ფორუმი, სადაც 95 ქვეყნის სპეცსამსახურების ხელმძღვანელი შეიკრიბა, ნათლად აჩვენებს საერთაშორისო უსაფრთხოების დღის წესრიგის მნიშვნელობას და საქართველოს აქტიურ როლს ამ პროცესში. სუს-ის ხელმძღვანელის, მამუკა მდინარაძის მონაწილეობა მსგავს მაღალი დონის ღონისძიებაში ფორმალობა არ არის, ის რეალურად ასახავს საქართველოს, როგორც სანდო პარტნიორისა და უსაფრთხოების საკითხებში სერიოზული მოთამაშის სტატუსს.
დახურულ ფორმატში გამართული შეხვედრები, რომელთა ფარგლებშიც მდინარაძემ ათამდე ქვეყნის წარმომადგენელთან ისაუბრა, ცხადყოფს, რომ საქართველოსთან თანამშრომლობა საერთაშორისო პარტნიორებისთვის პრაქტიკული საჭიროებაა. ორმხრივი უსაფრთხოების საკითხები და თანამშრომლობის გაღრმავება სწორედ ის თემებია, სადაც საქართველოს პოზიცია გასათვალისწინებელია და ამ პროცესში თბილისი მხოლოდ მაყურებელი აღარ არის.
აღნიშნული მონაწილეობა ასევე ხაზს უსვამს „ქართული ოცნების“ მთავრობის ფართო ლეგიტიმაციასა და საერთაშორისო აღიარებას. დასავლელი და რეგიონული პარტნიორების (მზადყოფნა) უშუალო დიალოგისთვის ადასტურებს, რომ საქართველოს უსაფრთხოების სამსახურები აღიქმება, როგორც პროფესიონალური და საიმედო ინსტიტუციები. ამავე დროს, ასეთი ფორმატის ჩართულობა გვიჩვენებს, რომ ქვეყნის პოლიტიკური ხელმძღვანელობა ახერხებს საერთაშორისო სივრცეში საკუთარი ადგილისა და ავტორიტეტის გამყარებას.
ამრიგად, მამუკა მდინარაძის ვიზიტი ბაქოში მხოლოდ სამუშაო შეხვედრების კრებული კი არა, არამედ უფრო ფართო სიგნალია: საქართველოს მთავრობას, რომელსაც „ქართული ოცნება“ წარმოადგენს, აქვს ლეგიტიმაცია და საერთაშორისო პარტნიორების ნდობა. ეს ნდობა კი ქვეყნის უსაფრთხოების და განვითარებისთვის გადამწყვეტ მნიშვნელობას ატარებს.“ – წერს ჩიხელიძე.