დანიაში, ალბორგის აეროპორტი დროებით დაიხურა. ამის შესახებ „როიტერი“ წერს.
როგორც სააგენტო იუწყება, ალბორგის აეროპორტში, რომელიც კომერციული და სამხედრო ავიარეისებისთვის გამოიყენება, მუშაობის შეჩერების მიზეზი დანიის საჰაერო სივრცეში აღმოჩენილი დრონები გახდა. პოლიციამ აეროპორტის თავზე რამდენიმე ამოუცნობი მფრინავი ობიექტის შესახებ მიიღო ინფორმაცია.
ცნობილია, რომ დრონებმა ალბერგის ტერიტორია დაახლოებით, სამი საათის შემდეგ დატოვეს. მომხდარზე დაწყებულია გამოძიება.
შეგახსენებთ, მსგავსი შემთხვევა დანიაში 23 სექტემბერსაც მოხდა. კოპენჰაგენის აეროპორტში დრონების დაფიქსირების გამო ყველა ფრენა შეჩერებული იყო.
კომენტარები