აშშ-ის პრეზიდენტი დონალდ ტრამპი და თურქეთის პრეზიდენტი რეჯეფ თაიფ ერდოღანი დღეს თეთრ სახლში მოლაპარაკებებს გამართავენ.
თურქული მედიის ინფორმაციით, ლიდერები ორმხრივ ურთიერთობებს, მათ შორის ვაჭრობის, ინვესტიციებისა და თავდაცვის ინდუსტრიის სფეროებში, ასევე რეგიონულ საკითხებს განიხილავენ.
თურქული მედიის შეფასებით, აშშ-ის და თურქეთის პრეზიდენტების შეხვედრა გარდამტეხ დროს ხდება, როდესაც ახლო აღმოსავლეთში არასტაბილურობა იზრდება.
„მე მჯერა, რომ პრეზიდენტ ტრამპთან ჩვენი შეხვედრა ხელს შეუწყობს ჩვენს რეგიონში ომებისა და კონფლიქტების დასრულებას გლობალური მშვიდობის ჩვენი საერთო ხედვის ფარგლებში და კიდევ უფრო გააძლიერებს ჩვენს ქვეყნებს შორის თანამშრომლობას“, – განაცხდა თურქეთის პრეზიდენტმა.
კომენტარები