აშშ-ის პრეზიდენტი, დონალდ ტრამპი გამოძიების ფედერალური ბიუროს (FBI) ყოფილი დირექტორისთვის, ჯეიმს კომისთვის ბრალის წაყენებას ეხმაურება.
„სამართლიანობა ამერიკაში! ჯეიმს კომი, გამოძიების ფედერალური ბიუროს ყოფილი კორუმპირებული ხელმძღვანელი, ერთ-ერთი ყველაზე ბოროტი ადამიანია, რომელსაც ჩვენი ქვეყანა ოდესმე შეხვედრია. დღეს მას დიდმა ჟიურიმ წაუყენა ბრალი ორ მძიმე დანაშაულში, სხვადასხვა უკანონო ქმედებისთვის. ის წლების განმავლობაში ზიანს აყენებდა ჩვენს ქვეყანას და ახლა იწყება მისი პასუხისგებაში მიცემა ჩვენი ერის წინააღმდეგ ჩადენილი დანაშაულებისთვის“, – აღნიშნა დონალდ ტრამპმა.
ჯეიმს კომის ბრალი წაუყენეს ცრუ ჩვენების მიცემისა და მართლმსაჯულების განხორციელებისთვის ხელის შეშლის მუხლებით.
კომი 2020 წელს სენატის იურიდიული კომიტეტის წინაშე წარდგა, რათა პასუხი გაეცა 2016 წლის არჩევნებში რუსეთის ჩარევის შესახებ FBI-ის გამოძიებასთან დაკავშირებულ კითხვებზე.