ეკა ბესელიას განცხადებით, აზერბაიჯანელი ჟურნალისტის საქმეზე გამოძიების დაწყება სწორი გადაწყვეტილებაა, ხოლო მოთხოვნა, რომ უსაფრთხოების სამსახურის ხელმძღვანელი ან რომელიმე მინისტრი გადადგეს, “ნაციონალური მოძრაობის” ოცნება და სურვილია.
“გამოძიების პირველადი შედეგები უნდა მივიღოთ, კონკრეტულად რა მოხდა და ეს ვისი პასუხისმგებლობის საკითხი უნდა იყოს. გამოძიების დაწყება სწორი გადაწყვეტილებაა და მოთხოვნა, რომ უსაფრთხოების სამსახურის ხელმძღვანელი ან რომელიმე მინისტრი გადადგეს, ეს “ნაციონალური მოძრაობის” ოცნება და სურვილია. ამ ოცნებებით და სურვილებით ვერ ვივლით და გამოძიების პირველადი მონაცემებით უნდა გავარკვიოთ, რა მოხდა, რომ სწორი სამართლებრივი შეფასებები გაკეთდეს”, – აღნიშნა დეპუტატმა.
ბესელია აღნიშნული იწყებების ხელმძღვანელების პარლამენტში დაბარებას ეხმაურება და აღნიშნავს, რომ ისინი პარლამენტში მაშინ მოდიან, როცა ამას რეგლამენტი ითვალისწინებს.
“სუსი-ს ანგარიში მოვისმინეთ. ამ საკითხზე საჭიროა, ჯერ გამოძიებამ ინფორმაცია მოგვაწოდოს და ამის შემდეგ შეფასებების გაკეთება როგორც სამართლებრივ, ასევე პოლიტიკურ ჭრილში სწორი იქნება“, – დასძინა ბესელიამ.