ისრაელის პარლამენტის სპიკერი ამირ ოჰანა აცხადებს, რომ აშშ-ის პრეზიდენტი დონალდ ტრამპი „ებრაული ისტორიის გიგანტია“ და „მსოფლიოს მეტი ტრამპი სჭირდება“, – ამის შესახებ ოჰანამ ქნესეთში სიტყვით გამოსვლისას განაცხადა და დონალდ ტრამპის ებრაელი ხალხის ყველაზე დიდი მეგობარი უწოდა.
„ბატონო პრეზიდენტო, თქვენ ისრაელის ხალხის წინაშე დგახართ არა როგორც კიდევ ერთი ამერიკელი პრეზიდენტი, არამედ როგორც ებრაული ისტორიის გიგანტი – ისეთი, რომლისთვისაც უნდა გავიხედოთ უკან, ორ-ნახევარი ათასწლეულის წინათ, დროის ნისლში, რათა პარალელი ვიპოვოთ კიროს დიდთან“, – განაცხადა ოჰანამ.
მან ტრამპი ძველი სპარსეთის მეფეს შეადარა, რომელმაც ებრაელებს ბაბილონიდან დაბრუნების და იერუსალიმში ტაძრის აღდგენის უფლება მისცა. მისი თქმით, ებრაელი ხალხი ტრამპს „ათასობით წლის შემდეგაც“ გაიხსენებს.
„ჩვენ ვართ ერი, რომელიც ახსოვს, რომ ეს ლოკალური ბრძოლა კი არა, გლობალური ბრძოლაა, გლობალური ბრძოლა ექსტრემიზმის, რადიკალიზმისა და ფუნდამენტალიზმის ძალებსა და თავისუფლებასა და დემოკრატიის ძალებს შორის“, – განაცხადა მან.
ცნობისთვის, აშშ-ის პრეზიდენტი დონალდ ტრამპი ისრაელში იმყოფება. ის ქნესეთში სიტყვით უნდა გამოვიდეს.