აშშ-ის პრეზიდენტის, დონალდ ტრამპის აზრით, არ არსებობს რამე, რაც მას სამოთხეში მოხვედრაში დაეხმარება. ამის შესახებ ტრამპმა air force 1-ზე ჟურნალისტებთან საუბრისას განაცხადა.
ჟურნალისტმა ტრამპს შეახსენა რამდენიმე კვირის წინ ინტერვიუში ნახსენები ფრაზა, რომ უკრაინაში ომის დასრულება სამოთხეში მოხვედრაში დაეხმარებოდა. ჟურნალისტმა პრეზიდენტს ჰკითხა, დაეხმარება თუ არა ღაზაში ომის დასრულება სამოთხეში მოხვედრაში? ტრამპის თქმით, არ ფიქრობს, რომ რამე სამოთხეში მოხვედრაში დაეხმარება.
„იცით, ცოტათი საყვარელი ვარ. არ ვფიქრობ, რომ რამე დამეხმარება სამოთხეში მოხვედრაში“, – აღნიშნა ტრამპმა.
ამერიკის პრეზიდენტის აზრით, მიუხედავად იმისა, რომ ის, შესაძლოა, სამოთხეში ვერ მოხვდეს, მან ბევრის ცხოვრება უკეთესობისკენ შეცვალა. ტრამპის თქმით, 2020 წლის არჩევნებს თუ არ გააყალბებდნენ, მხოლოდ რუსეთსა და უკრაინაში მილიონობით ადამიანი იცხოვრებდა და ომი არასდროს მოხდებოდა.
„ჩვენ არაკომპეტენტური პრეზიდენტი გვყავდა. გაყალბებული არჩევნების გამო მილიონობით ადამიანი დაიღუპა“, – განაცხადა ტრამპმა.