საქართველოს სპორტის მინისტრი ახალგაზრდა ქართველ სპორტსმენებს შეხვდა და რიგაში გამართულ მაგიდის ჩოგბურთის საერთაშორისო ტურნირზე – Riga City Council’s Cup – მიღწეული წარმატება მიულოცა.
სამინისტროს ინფორმაციით, ტურნირზე ქართველმა სპორტსმენებმა ასპარეზობა სამი მედლით დაასრულეს.19 წლამდე კატეგორიაში ანასტასია ჩხარტიშვილმა ჩემპიონობა იზეიმა; 14 წლამდე კატეგორიაში ანდრია ჩხარტიშვილმა მესამე ადგილი დაიკავა; ხოლო 12 წლამდე კატეგორიაში ელენე ქობალია ბრინჯაოს პრიზიორი გახდა.
შეხვედრას სპორტის მინისტრის მოადგილე ირაკლი დოლაბერიძე და მაგიდის ჩოგბურთის ფედერაციის წარმომადგენლები ესწრებოდნენ.
ახალგაზრდა სპორტსმენები ტურნირზე საქართველოს სპორტის სამინისტროს მხარდაჭერით იმყოფებოდნენ.
კომენტარები