ვითარება სულ უფრო და უფრო მძიმდება და ბოლო გადაწყვეტილება ევროკომისიის მიერ წარმოდგენილი 2026-2030 წლების LGBTQ სტრატეგია არის კიდევ ერთი ნათელი დასტური იმისა, რომ ვითარება ევროკავშირში არა თუ გაუმჯობესდება, არამედ ძალიან სწრაფი ტემპით მიდის კვდომისა და ლპობისკენ, – განაცხადა გადაცემაში „იმედის კვირა“ „ერთიანი ნეიტრალური საქართველოს“ წევრმა ვატო შაქარიშვილმა.
მან „ერთიანი ნეიტრალური საქართველოს“ მიერ პოლიტიკური პარტიის დაფუძნებასა და მომავალი პარტიის ხედვებსა და მიზნებზეც ისაუბრა.
შაქარიშვილის შეფასებით, იმ რიტორიკის გაგრძელება, რომ 2030 თუ 2050 წელს საქართველო გაწევრიანდება ევროკავშირში, არის იმ ტყვეობის გაგრძელება, რაშიც ჩვენ ხელოვნურად აღმოვჩნდით წლების წინ.
„ეს ყველაფერი მიზნად ისახავდა იმას, რომ საქართველო გამოყენებული ყოფილიყო სხვისი ინტერესებისთვის. სხვა სიკეთეებთან ერთად ღმერთმა გვიბოძა მნიშვნელოვანი აქტივი, რასაც ჰქვია საქართველოს სტრატეგიული ადგილმდებარეობა. ეს აქტივი ეფექტიანად და გონივრულად უნდა გამოვიყენოთ“, – აღნიშნა ვატო შაქარიშვილმა.
„ერთიანი ნეიტრალური საქართველო“ პოლიტიკურ პარტიას აფუძნებს.