თხარა, თხრა და გამოთხრა არა ქართველი ხალხის ჯიბიდან ამოღება და მის ჯიბეში ფულების ჩადება, არამედ მისი ჯიბიდან ამოღება და სამართლიანობა რასაც მოითხოვს – გადახდა იმის, რაც მას ეკისრება, – განაცხადა „ხალხის ძალის“ აღმასრულებელმა მდივანმა, გურამ მაჭარაშვილმა მამუკა ხაზარაძეზე საუბრისას.
„მხოლოდ ვაშინგტონის არბიტრაჟს არ გაუმტყუნებია ხაზარაძე. ის ყველგან ეძებს ისეთ საშუალებებს, რითაც შეიძლება, რომ ქვეყანაც დააზიანოს და თვითონაც მიიღოს სარგებელი, მაგრამ სამართლიანობა და კანონზომიერება თავის სიტყვას ყოველთვის ამბობს. მას მოუწია ახლა მილიონების გადახდა იმ საერთაშორისო არბიტრაჟიდან გამომდინარე. თხარა, თხრა და გამოთხრა არა ქართველი ხალხის ჯიბიდან ამოღება და მის ჯიბეში ფულების ჩადება, არამედ მისი ჯიბიდან ამოღება და სამართლიანობა რასაც მოითხოვს – გადახდა იმის, რაც მას ეკისრება“, – განაცხადა მაჭარაშვილმა.
უკვე მეორე დღეა მამუკა ხაზარაძე და ბადრი ჯაფარიძე კომენტარს არ აკეთებენ გავრცელებულ ინფორმაციაზე, რომლის მიხედვითაც მათ ბიზნესპარტნიორს, ბობ მეიერს ჯამში ექვსი მილიონ 800 ათასი დოლარი გადაურიცხეს, მას შემდეგ, რაც მეიერმა ვაშინგტონში ანაკლიის პორტთან დაკავშირებული დავა წააგო და საერთაშორისო არბიტრაჟმა მას საქართველოსთვის 6 მილიონ 500 ათასი დოლარის გადახდა დააკისრა.
მმართველი გუნდი დარწმუნებულია, რომ ბობ მეიერი ფიქტიური მოსარჩელე იყო და საქართველოს წინააღმდეგ მორიგი სარჩელის უკან ხაზარაძე-ჯაფარიძე იდგნენ.