საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილი საკონსტიტუციო სარჩელს აფასებს. მისი განცხადებით, საზოგადოებისთვის სიახლე სამართლებრივი დასაბუთება იქნება.
„ის ფაქტობრივი გარემოებები, რომლებიც სარჩელშია მითითებული, ნამდვილად არახალია ჩვენი ქვეყნისთვის – მკვლელობა, ცემა, წამება, ბიზნესის დარეკეტება, ტერიტორიების ჩაბარება. მტრული პოლიტიკა, რომელსაც წლების განმავლობაში აწარმოებდნენ ის პარტიები, სადაც სინამდვილეში პარტიულ მანტიაში გახვეული კრიმინალები იყვნენ მუდამ, იქნებოდა ეს 2004-2012 წლებში თუ უკვე ოპოზიციაში გადაბრძანებული „ნაციონალური მოძრაობა“, მასთან დაკავშირებული პარტიები. ჩვენი ქვეყნის დემოკრატიული აღმშენებლობისთვის ერთადერთი გზა არის პოლიტიკოსებად წოდებული კრიმინალებისგან პოლიტიკური ველის გასუფთავება“, – განაცხადა დავით მათიკაშვილმა.