პატრიოტული ძალები ევროკავშირში ძალას იკრებენ, არიან ხელისუფლებაში, მოდიან ხელისუფლებაში, ძლიერდებიან, როგორც პარტიები. ეს არ არის ტენდენცია მხოლოდ ევროკავშირში, არამედ სხვა კუთხეებშიც და მათ შორის აშშ-ს ბოლო არჩევნებიც ამის დასტურია, – განაცხადა საქართველოს პარლამენტის თავმჯდომარემ, შალვა პაპუაშვილმა.
მისივე თქმით, ევროპელი ხალხი დაიღალა ცრუ იდეოლოგიით, ყალბი ღირებულებებით, არაევროპული ტენდენციებით და ღირებულებითი უკუსვლით, რომელსაც თავს ახვევდნენ წლების განმავლობაში. ამ ყველაფერზე ისინი საკუთარ რეაქციას ავლენენ.
„ჩვენ არ ვერევით შიდა პოლიტიკაში და არავის მივუთითებთ თუ ვინ, რა უნდა აირჩიოს, განსხვავებით ბრიუსელისგან, რომელსაც თავი ხალხების დამრიგებელი ჰგონია“, – აღნიშნა შალვა პაპუაშვილმა.
კომენტარები