შანხაის იმპორტის გამოფენაზე საქართველოს მონაწილეობა მთავარი სტუმრის სტატუსით ძალიან მნიშვნელოვანია. განსაკუთრებული აქცენტი კეთდება საქართველოზე და ქართულ პროდუქციაზე, რაც ჩინეთის ბაზრის მნიშვნელობიდან და სიდიდიდან გამომდინარე განსაკუთრებით აღსანიშნავია, – განაცხადა საქართველოს საგარეო საქმეთა მინისტრმა მაკა ბოჭორიშვილმა ჟურნალისტებთან შანხაიში.
მისი თქმით, პრემიერ-მინისტრის ვიზიტი საინტერესო იყო ორმხრივი ურთიერთობების, ასევე სავაჭრო-ეკონომიკური ურთიერთობების თვალსაზრისით.
„შანხაის იმპორტის გამოფენაზე საქართველოს მონაწილეობა მთავარი სტუმრის სტატუსით ძალიან მნიშვნელოვანია. განსაკუთრებული აქცენტი კეთდება საქართველოზე და ქართულ პროდუქციაზე, რაც ჩინეთის ბაზრის მნიშვნელობიდან და სიდიდიდან გამომდინარე განსაკუთრებით აღსანიშნავია. ეს ვიზიტი ასევე საინტერესო იყო ორმხრივი ურთიერთობების ჭრილში. ჩვენ საკმაოდ საინტერესო განხილვები გვქონდა სავაჭრო-ეკონომიკური ურთიერთობების გაძლიერების საკითხებზე, თუ რა მიმართულებით შეიძლება ვიმუშაოთ, რომ უფრო მეტად იქნას გამოყენებული ამ სფეროში არსებული პოტენციალი, რაც ორ ქვეყანას აქვს ორმხრივი ურთიერთობების, სავაჭრო და ეკონომიკურ სფეროში თანამშრომლობის განვითარებისთვის. მნიშვნელოვანია ასევე ჩინეთისა და საქართველოს ურთიერთობა შუა დერეფნის კონტექსტში. ჩინეთიდან მომავალი ტვირთების საქართველოს გავლით ევროპულ ბაზარზე წვდომა და ამ მიმართულებით ჩინეთთან ურთიერთობები მნიშვნელოვანია და ეს საკითხებიც იქნა განხილული ვიზიტის ფარგლებში“, – განაცხადა მაკა ბოჭორიშვილმა.