დანიის პარლამენტმა 15 წლამდე ასაკის ბავშვებისთვის სოციალურ ქსელებზე წვდომის აკრძალვის წინადადებას მხარი დაუჭირა.
შეთანხმებული წინადადების მიხედვით, დანიაში სოციალურ ქსელებზე წვდომის აკრძალვა 15 წლამდე ასაკის ბავშვებზე გავრცელდება, თუმცა მშობლების თანხმობის შემთხვევაში, 13 წლის და უფროსი ასაკის ბავშვები სოციალური ქსელებით სარგებლობას შეძლებენ.
„ეს არის ბალანსი იმას შორის, რაც ჩვენ გვჯერა, რომ შესაძლებელია რეგულაციებისა და კანონმდებლობის მეშვეობით“, – განაცხადა დანიის პრემიერ-მინისტრმა, მეტე ფრედერიქსენმა.
მისივე თქმით, შეთანხმება თავისთავად გარღვევაა, რადგან ამჟამად არ არსებობს კანონმდებლობა სოციალური ქსელების გამოყენების წინააღმდეგ.
„მჯერა, ახლა ჩვენ ვუმკლავდებით იმ პრობლემებს, რომლებსაც სოციალური ქსელები და ტელეფონები უქმნიან ჩვენს შვილებს“, – განაცხადა ფრედერიქსენმა.
ამასთან, პარლამენტში მიაღწიეს შეთანხმებას დაწყებითი სკოლის მოსწავლეებისთვის მობილური ტელეფონის დღის განმავლობაში გამოყენების აკრძალვის შესახებ.