საქართველოს ეკონომიკისა და მდგრადი განვითარების მინისტრმა, მარიამ ქვრივიშვილმა “ღამის კურიერის” ეთერში, “იგლ ჰილსის” პროექტის მასშტაბურობასა და მნიშვნელობაზე ისაუბრა.
მინისტრის განმარტებით, აღნიშნული პროექტი საქართველოს ისტორიაში ყველაზე მოცულობითი ინვესტიციაა.
ქვრივიშვილის თქმით, ეს პროექტი გააძლიერებს საქართველოს ეკონომიკას და მეტ სამუშაო ადგილს შექმნის მოქალაქეებისთვის.
“ეს ძალიან მნიშვნელოვანი პროექტია ჩვენი ქვეყნისთვის. პირველ რიგში, უნდა ითქვას, რომ ეს არის ისტორიული პროექტი ჩვენი ქვეყნისთვის და ეს არის ისტორიული მოცულობის ინვესტიცია, რომელიც ოდესმე განხორციელებულა ჩვენი ქვეყნის ისტორიაში. ძალიან დიდი ღირებულების მომტანია აღნიშნული პროექტი ჩვენი ქვეყნისთვის, ეკონომიკისთვის, ქვეყნის გარკვეული სექტორის განვითარებისთვის, მათ შორის, დეველოპერული და ტურისტული ინდუსტრიის შემდგომი განვითარებისთვის. რა თქმა უნდა, განსაკუთრებით დიდი ღირებულების მომტანია უშუალოდ ჩვენი ქვეყნის ეკონომიკის გაძლიერების კუთხით და იმ სიკეთეებს მოუტანს ჩვენს ქვეყანას, რომლისთვისაც ჩვენი ხელისუფლება ძალიან ბევრს მუშაობს და ზრუნავს, მათ შორის, როდესაც ჩვენ ვსაუბრობთ ახალ სამუშაო ადგილების შექმნასა და ჩვენი ქვეყნის ბიუჯეტის ყოველწლიურ ზრდაზე”, – განაცხადა მარიამ ქვრივიშვილმა.