ევროპელი ბიუროკრატები ყველაფერს აკეთებენ, რომ ევროპული ინსტიტუტების რეპუტაცია და იმიჯი დააზიანონ, – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, რატი იონათამიშვილმა საქართველოს პირველ არხს განუცხადა.
მისი თქმით, საქართველოს დაზიანებას როგორც არ უნდა ეცადონ, მხოლოდ საკუთარ იმიჯს შელახავენ, რადგან საქართველო ვითარდება.
„სამწუხაროა, რომ ევროპელი ბიუროკრატები ყველაფერს აკეთებენ, რომ ევროპული ინსტიტუტების რეპუტაცია და იმიჯი დააზიანონ. ისინი დემოკრატიის ცნებას ეფარებიან და სინამდვილეში იმას აკეთებენ, რაც კონფლიქტში და წინააღმდეგობაში მოდის დემოკრატიასთან, რადგან დემოკრატიის პირველი საფუძველი ინკლუზიურობაა, ჩართულობა და დიალოგია. ეს ადამიანები საქართველოს დაზიანებას როგორც არ უნდა ეცადონ, მხოლოდ საკუთარ იმიჯს ლახავენ, რადგან საქართველო ვითარდება“, – განაცხადა რატი იონათამიშვილმა.