დეზინფორმაციის გავრცელება „ნაციონალური მოძრაობის“ მხრიდან არ არის სიახლე და არც გასაკვირი. მე მგონია, რომ ქართულ საზოგადოებას აქვს საჭირო სიმტკიცე იმისა, რომ ასეთ დეზინფორმაციებზე არ ჰქონდეს რეაგირება, – ასე ეხმაურება საგარეო საქმეთა მინისტრი, მაკა ბოჭორიშვილის, „ნაცმოძრაობის“ მორიგ ტყუილს.
მაკა ბოჭორიშვილის თქმით, მთავარი არის ის, რომ საზოგადოებას აღარ სჯერა იმ სპეკულაციების, რომელსაც „ნაციონალური მოძრაობა“ ეწევა.
ცნობისთვის, თინა ბოკუჩავა და გიგი წერეთელი ამტკიცებდნენ, რომ ეუთოს საპარლამენტო ასამბლეამ მიიღო „ევროპის სახალხო პარტიის“ მიერ მომზადებული რეზოლუცია, რომელიც საქართველოს მიმართ კრიტიკული შინაარსის არის. „ნაცმოძრაობის“ ტყუილი მალევე გამჟღავნდა.
„მათ მიერ გავრცელებული ინფორმაცია არც სხდომაზე გაჟღერებულა და არც ეუთოს ოფიციალურ გვერდებზე არ მოიძებნება!“, – წერს სოციალურ ქსელში გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე, რომელიც ეუთოს საპარლამენტო ასამბლეის სხდომაში მონაწილეობს.