ბათუმში მომხდარ ავტოსაგზაო შემთხვევას ახალგაზრდა მამაკაცი ემსხვერპლა. შემთხვევა გუშინ, გვიან ღამით მოხდა. სასწრაფო სამედიცინო დახმარების ჯგუფმა დაშავებული კლინიკაში გადაიყვანა, თუმცა მისი გადარჩენა ვერ მოხერხდა.
გარდაცვლილი 38 წლის გიგა ძნელაძეა.
გიგას გარდაცვალება ყველასთვის მოულოდნელი აღმოჩნდა. მასზე ყველა განსაკუთრებული სითბოთი და სიყვარულით საუბრობს.
სოციალურ ქსელში ვრცელდება ახლობლებისა და ოჯახის წევრების პოსტები:
“შენნაირი ვაჟკაცი კაცი და ადამიანი მე აღარ შემხვდება, მე შეგისრულებ პირობას რაც მოგეცი მა” – წერს გიგა ძნელაძს ვაჟი.
“ბოდიში ჩემო კეთილო ძამიკო, რომ ვერ გაცილებ ბოლო გზაზე. მომენატრები, მომენატრები ისე რო წარმოდგენაც არ მინდა ,მაგრამ მომიწევს ამ გზის გავლა,მომენატრება შენი ბუზღუნი,შენი სიცილი,მომენატრება ის დღეები სულ რომ გეჩქარებოდა სადღაც, მიყვარხარ ჩემო გიგა. ძაან დამაკლდი..მომენატრები ძამიკო” – წერს გიგას ძმა სოციალურ ქსელში.
შსს-მ მომხდართან დაკავშირებით გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
“ექსკლუზივ ნიუსი “ სამძიმარს უცხადებს გარდაცვლილი ახალგაზრდის ოჯახს მომხდარი ტრაგედიის გამო.