შინაგან საქმეთა სამინისტრო, განათლების, მეცნიერებისა და ახალგაზრდობის სამინისტროსთან თანამშრომლობით, საჯარო სკოლების მოსწავლეებისთვის საინფორმაციო კამპანიას – „პროფესია პოლიციელი“ განაგრძობს.
კამპანიის მიზანია ახალგაზრდებისთვის საპოლიციო საქმიანობის შესახებ ინფორმაციის მიწოდება და მოზარდებში პოლიციელის პროფესიის პოპულარიზაცია.
ინიციატივის ფარგლებში, ქვეყნის მასშტაბით, საჯარო სკოლის მოსწავლეებს შესაძლებლობა აქვთ, ეწვიონ შინაგან საქმეთა სამინისტროს სხვადასხვა დანაყოფს, ადგილზე გაეცნონ ინფრასტრუქტურას, დანაყოფების საქმიანობას და ჩაერთონ სიმულაციურ აქტივობებში. საპოლიციო დანაყოფების წარმომადგენლები თავად უზიარებენ ახალგაზრდებს საკუთარ გამოცდილებას, რაც პროექტს კიდევ უფრო საინტერესოს ხდის.
კამპანია „პროფესია პოლიციელი“, პირველ ეტაპზე, წლის ბოლომდე გაგრძელდება და მასში მონაწილეობას საჯარო სკოლების 4000-მდე მოსწავლე მიიღებს.