უპრეცედენტო არის, რომ განათლება სახელმწიფო უნივერსიტეტებში ხდება უფასო, – განაცხადა საპარლამენტო უმრავლესობის წევრმა, განათლების, მეცნიერებისა და ახალგაზრდულ საქმეთა კომიტეტის თავმჯდომარემ მარიამ ლაშხმა.
მისი თქმით, ის რომ სახელმწიფოს ამის საშუალება მიეცა, ხელისუფლების სწორი პოლიტიკის შედეგია.
„სწორი პოლიტიკა სახელმწიფოს აძლევს ერთი მხრივ შესაძლებლობას, რომ უფასო განათლება იყოს ხელმისაწვდომი, ასევე გეოგრაფიული განშტოება მოხდეს და ყველას, ვისაც აქვს სურვილი უმაღლესი განათლების მიღების, მიუხედავად მათი გეოგრაფიული მდებარეობისა თუ სოციალური მდგომარეობისა, ყველას ექნება ამის შესაძლებლობა“, – აღნიშნა ლაშხმა.
უმაღლესი განათლების რეფორმაზე მომზადებულ ცვლილებებს, დღეს დაჩქარებული წესით, პირველი მოსმენით კომიტეტების სხდომებზე განიხილავენ.
კომენტარები