არის გადაცდომები, თუმცა უნდა ითქვას, რომ ვისაც რაიმე დანაშაული აქვს ჩადენილი, რეაგირების გარეშე არ დარჩება. ამის მაგალითს ჩვენ ვაძლევთ, – აცხადებს პარლამენტის დიასპორის კომიტეტის თავმჯდომარე, ირაკლი ზარქუა მედიასთან.
„იყო შენიშვნები, როდესაც ბატონი გახარია ხელმძღვანელობდა 20 ივნისის თემას და გამოძიება დაიწყო ამასთან დაკავშირებით. არის გადაცდომები, თუმცა უნდა ითქვას, რომ ვისაც რაიმე დანაშაული აქვს ჩადენილი, რეაგირების გარეშე არ დარჩება. ამის მაგალითს ჩვენ ვაძლევთ“, – აღნიშნა ზარქუამ.
დარღვევაზე, რომელიც სტრასბურგის სასამართლომ 20 ივნისის საქმეზე დაადგინა, საქართველოში გამოძიება უკვე დაწყებულია. საუბარია პროპორციული ძალის გამოყენებაზე. სწორედ ამ საქმეზე დაუსწრებლად წინასწარი პატიმრობა აქვს შეფარდებული გიორგი გახარიას, ეს კი მმართველი გუნდის შეფასებით, საქართველოს ხელისუფლების სწორ ნაბიჯებზე მიუთითებს. განცხადება გამოაქვეყნა გახარიას პარტიამ.