საკუთარი ფულის დახარჯვაც არ უნდა ბრიუსელს იმისთვის, რომ აღადგინოს უკრაინა და ფიქრობენ ახლა, რუსეთს რა წაართვან, ფიზიკურ პირებს რა წაართვან, აბრამოვიჩზე იყო საუბარი და ა.შ. აქეთ იქით იყურებიან, – განუცხადა ჟურნალისტებს საქართველოს პარლამენტის თავმჯდომარე შალვა პაპუაშვილმა.
მისი თქმით, აშშ-ს სახელმწიფო მდივანმაც დაადასტურა, რომ ეს არის მარიონეტული ომი.
„აი, ვიღაცას ზუსტად ასე უნდოდა, რომ მარიონეტული ომის ინსტრუმენტი ვყოფილიყავით ჩვენ და ახლა როგორც უკრაინასთან არის, ვაი ვიშვიში ყოფილიყო ფულს საიდან გამონახავენ. დღეს რასაც ვუყურებთ, მეორე განზომილება რაც არის, ის უპასუხისმგებლობა, რომელსაც ჩვენ ბრიუსელის მხრიდან ვხედავთ უკრაინის მიმართ.
თქვენ გახსოვთ 2022 წლის აპრილში, პარაფირებული იყო შეთანხმება უკრაინასა და რუსეთს შორის, სტამბულის შეთანხმებად ცნობილი და გახსოვთ თქვენ, რომ დავით არახამიამ, რომელიც მაშინ ხელმძღვანელობდა უკრაინის მომლაპარაკებელთა ჯგუფს განაცხადა, რომ ის პირობები იყო უკრაინისთვის მისაღები, იმ შეთანხმების პარაფირება მოხდა, თუმცა შემდეგ ჩავიდა ბორის ჯონსონი, ევროპელების, ბრიტანეთის თუ ვისი სახელითაც ჩავიდა და პირდაპირ უთხრა, არანაირი შეთანხმება, მოდი ვიბრძოლოთ. ოთხი წელი გადის ფაქტობრივად უკვე, ამის შემდეგ რაც ბორის ჯონსონის იქ ჩასვლით ჩაიშალა სამშვიდობო შეთანხმება და დღეს საუბარია შესაძლოა უარეს შეთანხმებაზე. ყოველ შემთხვევაში, იმ შეთანხმებაზე უკეთესი, ფაქტია რომ ის ვარიანტები, რაც განიხილება და გარეთ გამოდის, არცერთი არ არის. უფრო მეტიც, იმ შეთანხმებაში საუბარი იყო, რომ მაგალითად ყირიმის საკითხი გადაიწევდა 10-15 წლით და იქნებოდა საერთაშორისო დისკუსიის ნაწილი. იმ შეთანხმებაში, რომელიც რატიფიცირებული იყო ჯერ კიდევ 2022 წლის აპრილში, ეწერა რომ დომბასის და ამ რეგიონის საკითხები გაიყინებოდა და გადაწყდებოდა. დღეს აღარ არის ამაზე საუბარი. ხედავთ, რომ პირდაპირ მოთხოვნაა დათმოს და უკრაინამ აღიაროს დე-ფაქტო გადასვლა რუსეთის კონტროლის ქვეშ.
ოთხი წელი გადის უკვე ამის შემდეგ, რაც ჩაშალეს სამშვიდობო შეთანხმება. დღეს, ყოველ შემთხვევაში, უარესი თუ არ იქნება, იმაზე უკეთესი პირობების შეთანხმება არ არის. ამასობაში ასობით ათასი ადამიანი დაიღუპა, სამხედრო და მშვიდობიანი მოქალაქეები და დღეს როდესაც ეუბნებოდნენ, რომ ბოლომდე თქვენთან ვართ, დღეს ბრიუსელი დგას და უყურებს იმას, ფული საიდან მოიტანოს. საკუთარი ფულის დახარჯვაც არ უნდა ბრიუსელს იმისთვის, რომ აღადგინოს უკრაინა და ფიქრობენ ახლა, რუსეთს რა წაართვან, ფიზიკურ პირებს რა წაართვან, აბრამოვიჩზე იყო საუბარი და ა.შ. აქეთ იქით იყურებიან“, – აღნიშნა შალვა პაპუაშვილმა.