ისრაელს არ სურს, რომ თურქეთმა სამშვიდობო შეთანხმების ფარგლებში ღაზის სექტორში ჯარები განალაგოს. ინფორმაციას The Jerusalem Post-ი საკუთარ წყაროებზე დაყრდნობით ავრცელებს.
როგორც ისრაელური გამოცემა იუწყება, ისრაელის ხელისუფლების წარმომადგენლები ეწინააღმდეგებიან თურქეთის ჯარების განლაგებას, რომელიც უნდა განთავსდეს ტრამპის გეგმის მომდევნო ეტაპზე. მათ ასევე არ სურთ, რომ თურქეთი ღაზის რეკონსტრუქციის საქმეში ჩაერთოს, რადგან ეშინიათ, რომ ანკარა ღაზაზე გავლენას მოიპოვებს.
„ისრაელში შიშობენ, რომ თურქეთის ჩართულობა ჰუმანიტარულ საქმეებსა და რეკონსტრუქციის ძალისხმევაში ანკარას მნიშვნელოვან საფუძველს მისცემს სექტორის კონტროლისთვის“, – ციტირებს გამოცემა საკუთარ წყაროს.
The Jerusalem Post-ის წყაროს თქმით, ეს საკითხი ისრაელმა აშშ-ის პრეზიდენტის დონალდ ტრამპის ადმინისტრაციასთან უკვე განიხილა.