სომხეთის პრემიერ-მინისტრი ნიკოლ ფაშინიანი ეროვნულ ასამბლეაში მომხდარ ჩხუბში საპარლამენტო ოპოზიციას ადანაშაულებს და მიესალმება მმართველი ფრაქციის, „სამოქალაქო კონტრაქტის“ ქმედებებს.
„მე ვგმობ ძალადობას, მაგრამ მხარს ვუჭერ „სამოქალაქო კონტრაქტის“ ფრაქციის დღევანდელ ქმედებებს, რადგან ოპოზიციის წევრობა არ ნიშნავს, რომ მათ შეუძლიათ თავხედობა. იმ მომენტში, როდესაც ეროვნულ კრებაზე ფრაქცია „ძლიერი სომხეთის“ წევრი თავხედურად მოიქცა ტრიბუნიდან და ბოდიში არ მოიხადა მოწოდებებისა და თხოვნების მიუხედავად, ცხადი გახდა, რომ ასეთი შედეგი იქნებოდა. მომხდარზე სრულ პასუხისმგებლობას ოპოზიციას ვაკისრებ და დიახ, მივესალმები „სამოქალაქო კონტრაქტის“ დეპუტატების ქმედებებს. სკამი იყო ეს თუ სხვა რამ, ეს მიზანშეწონილი და სწორია“, – განაცხადა ფაშინიანმა ეროვნული ასამბლეის ვიცე-სპიკერის, ვაჰაგნ ალექსანიანის მიერ ოპოზიციონერი დეპუტატებისთვის სკამის სროლის შესახებ.
ცნობისთვის, დღეს სომხეთის პარლამენტში დეპუტატები ერთმანეთს ფიზიკურად დაუპირისპირდნენ.