გარემოს ეროვნული სააგენტოს ინფორმაციით, დღეს საქართველოს მასშტაბით მოსალოდნელია ნალექი, მაღალმთიან რაიონებში თოვლი და ქარბუქი. მოსალოდნელმა ნალექებმა შესაძლოა დასავლეთ საქართველოს მდინარეებზე წყლის დონეების მატება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების გააქტიურება გამოიწვიოს.
„ქვეყნის უმეტეს ტერიტორიაზე ველოდებით ნალექს, ზოგან ძლიერს, ცაში თოვლის სახით. ზღვაზე ველოდებით 4-5 ბალიან შტორმს. დასავლეთ საქართველოში ძლიერი ნალექების შედეგად შესაძლებელია მდინარეებზე წყლის დონეების მნიშვნელოვანი მატება. დასავლეთ საქართველოში დღეისთვის ველოდებით 2-7 გრადუსს, ხოლო აღმოსავლეთ საქართველოში მაქსიმალური ტემპერატურა 7-12 გრადუსის ფარგლებში იქნება. რაც შეეხება დედაქალაქს, +10 გრადუსამდე ველოდებით“, – განაცხადა სინოპტიკოსმა ნაირა მანველიშვილმა „ქრონიკასთან“.