გლდანის რაიონში, გლდანის VII მიკრორაიონში, I და III კორპუსებს შორის, დაბალი წნევის საჰაერო გაზსადენის დაზიანების გამო (ავტომანქანის შეჯახების შედეგად), დღეს 17:00 საათიდან ავარიულად გაითიშა გაზგამანაწილებელი პუნქტები №411 და №436,- ამის შესახებ ინფორმაციას „თბილისი ენერჯი“ ავრცელებს.
მათი ცნობით, შედეგად, გაზმომარაგება დროებით შეუწყდა შემდეგ ტერიტორიებს: გლდანის VII მიკრორაიონი, ვეკუას ქუჩა, ზურა მირაქიშვილის ქუჩა, ომარ ხიზანიშვილის ქუჩა, სოფ. გიორგი წმინდა – დავით აღმაშენებლის ქუჩა, სოფელი გლდანი – შემოგარენის ქუჩა, ფარსმან II ქველის ქუჩა, დავით ჯაბიძის ქუჩა, გლდანის VII მიკრორაიონის საცხოვრებელი კორპუსები №1-დან №120 ბ/ბ-05-მდე, ასევე აღნიშნულ ტერიტორიაზე მდებარე სხვა კომერციული ობიექტები.
„გაზმომარაგება სულ დაახლოებით 4100 აბონენტს შეუწყდა.
გაზმომარაგების აღდგენა დაიწყება ხვალ, 18 იანვარს, 10:00 საათიდან და დასრულდება 20:00 საათამდე. გთხოვთ, უსაფრთხოების მიზნით, გადაკეტოთ გაზის ონკანები. თუ იგრძნობთ გაზის სუნს, დაუყოვნებლივ დარეკეთ: ცხელი ხაზი – 240 40 04; სწრაფი რეაგირების სამსახური – 114“,- ნათქვამია ინფორმაციაში.