აფხაზეთის ა/რ იძულებით გადაადგილებულ პირთა მინისტრმა სამინისტროს მიერ 2025 წელს გაწეული საქმიანობის ანგარიში წარადგინა.
“აფხაზეთიდან დევნილ საზოგადოებას 2025 წლის საქმიანობის ანგარიში წარვუდგინე და მთელი საქართველოს განხორციელებული მასშტაბური პროექტები შევაჯამე.
შემაჯამებელ მოხსენებაში განსაკუთრებული ყურადღება გავამახვილე იმ პროექტებზე, რომლებიც უწყებამ დევნილთა მხარდასაჭერად, ცენტრალურ, ადგილობრივ ხელისუფლებასთან და პარტნიორ ორგანიზაციებთან თანამშრომლობით განახორციელა. ასევე, ვისაუბრე სამინისტროს ძირითად მიღწევებსა და გამოწვევებზე.
აფხაზეთის ავტონომიური რესპუბლიკის იძულებით გადაადგილებულ პირთა სამინისტროს საქმიანობის ეფექტიანობისთვის, პრიორიტეტულ მიმართულებად დევნილთა განსახლების ადგილებში შექმნილ ბინათმესაკუთრეთა ამხანაგობების თავმჯდომარეებთან მჭიდრო თანამშრომლობა მიგვაჩნია, რაც გვეხმარება პრობლემების სწორ ანალიზში, მათ პრიორიტეტიზაციასა და ეფექტური სამოქმედო გეგმების დასახვაში.
ღონისძიების ფარგლებში, აქტიური თანამშრომლობისა და დევნილთა მხარდაჭერაში შეტანილი განსაკუთრებული წვლილისთვის, დევნილთა განსახლების ადგილებში შექმნილი ბინათმესაკუთრეთა ამხანაგობების წარმომადგენლები დავაჯილდოვეთ.
მადლობას ვუხდი ასევე, ადგილობრივი თვითმართველობის ორგანოებს, დევნილთა, ეკომიგრანტთა და საარსებო წყაროებით უზრუნველყოფის სააგენტოს და პარტნიორ ორგანიზაციებს, რომელთან ერთობლივი მუშაობის შედეგად, დევნილთა მხარდაჭერა და მათ წინაშე არსებული ძირითადი პრობლემების მოგვარებია შევძელით, ასეულობით საცხოვრებელი შენობა გადაიხურა და მრავალ ობიექტს სრული რეაბილიტაცია ჩაუტარდა. ამ პროცესის განუყოფელი ნაწილი იყო მოსახლეობის მხრიდან გამოხატული ნდობა და მადლიერება.
განსაკუთრებით აღსანიშნავია, რომ საქართველოს პრემიერ-მინისტრის გადაწყვეტილებითა და აფხაზეთის მთავრობის თავმჯდომარის ძალისხმევით, მოხერხდა დამატებითი ფინანსური რესურსების მობილიზება, რამაც საშუალება მოგვცა, პროცესები უფრო ოპერატიულად და მოქნილად ვმართოთ”-წერს დავით ფაცაცია.
