ირანის საჰაერო ძალები აგრესორებზე რეაგირებისთვის მაქსიმალურ მზადყოფნაშია, – ამის შესახებ ირანის არმიის საჰაერო ძალების მეთაურმა, ბრიგადის გენერალმა ბაჰმან ბეჰმარდიმ განაცხადა.
ირანელმა სამხედრო მაღალჩინოსანმა ხაზი გაუსვა ისრაელსა და შეერთებული შტატებთან 12-დღიანი ომის შედეგად მიღებულ ფასდაუდებელ გაკვეთილებს, რაც, მისი თქმით, საჰაერო ძალებს თანამედროვე საფრთხეების შესაბამისად საბრძოლო შესაძლებლობების აღდგენაში დაეხმარა.
„შემიძლია, დავარწმუნო ირანის ხალხი და ჩვენი მეგობრები მთელ მსოფლიოში, რომ საჰაერო ძალები სრულად მზად არიან და გადამწყვეტად უპასუხებენ აგრესიის ნებისმიერ აქტს. მიუხედავად იმისა, რომ ჩვენ არ ვცდილობთ ომს, ჩვენ მტკიცედ ვდგავართ ნებისმიერი აგრესორის წინააღმდეგ და გადამწყვეტად ვუპასუხებთ. ჩვენი თვითმკვლელი დრონები, სადაზვერვო სისტემები და საჰაერო პატრულირება პიკში არიან და მზად არიან ნებისმიერი მისიის შესასრულებლად“, – აღნიშნა ბეჰმარდიმ.