ისრაელის პრემიერ-მინისტრი ბენიამინ ნეთანიაჰუ ვაშინგტონში გაემგზავრა.
გამგზავრებამდე მედიასთან საუბრისას ნეთანიაჰუმ აღნიშნა, რომ შეერთებულ შტატებში მისი მეშვიდე ვიზიტი ასახავს ორ ქვეყანას შორის არსებულ კავშირს.
ისრაელის პრემიერ-მინისტრის განცხადებით, დონალდ ტრამპთან საუბრის მთავარი თემა ირანთან მოლაპარაკებები იქნება.
„შეერთებულ შტატებში მივემგზავრები ჩემი მეშვიდე ვიზიტით, რათა შევხვდე პრეზიდენტ ტრამპს. მე მჯერა, რომ ეს ყველაფერი ასახავს იმ უნიკალურ სიახლოვეს და განსაკუთრებულ ურთიერთობას, რომელიც გვაქვს შეერთებულ შტატებთან. როგორც ჩემი პირადი ურთიერთობა პრეზიდენტთან, ასევე ისრაელის სახელმწიფოსა და შეერთებულ შტატებს შორის ურთიერთობა უპრეცედენტოა ჩვენს ისტორიაში“, – აღნიშნა ბენიამინ ნეთანიაჰუმ.
კომენტარები