თურქეთს სურს, რომ აშშ-მა და ირანმა ჭეშმარიტ მოლაპარაკებებს სამხედრო ოპერაციის ან ომის გარეშე მიაღწიონ, – ამის შესახებ თურქეთის საგარეო საქმეთა მინისტრმა, ჰაკან ფიდანმა განაცხადა.
„ჩვენი სურვილია, რომ სამხედრო ოპერაციის ან ომის საჭიროება არ იყოს და მხარეებმა ნამდვილად მიაღწიონ ჭეშმარიტ მოლაპარაკებებს. ომანელ შუამავალთან, შეერთებულ შტატებთან და ირანთან საუბრისას ჩემი შთაბეჭდილებაა, რომ მხარეები უპრეცედენტოდ დადებით სიგნალებს იძლევიან, განსაკუთრებით გარკვეულ კონკრეტულ საკითხებთან წინსვლის კუთხით“, – განაცხადა ფიდანმა.
ამასთან, ღაზასთან დაკავშირებით საუბრისას ფიდანმა აღნიშნა, რომ თურქეთი მზადაა, ღაზას დახმარება „ყველა შესაძლო გზით“ შესთავაზოს.
„ჩვენი გზავნილი ასეთია: ჩვენ მზად ვართ, ყველანაირი მხარდაჭერა გავუწიოთ ყველა სფეროში“, – განაცხადა თურქეთის საგარეო საქმეთა მინისტრმა.