ხომ არ გახსოვთ ნიკა გვარამია რას ეძახდა სალომე ზურაბიშვილს პირდაპირ ეთერში? მე მრცხვენია და იმ სიტყვებს ვერ გავიმეორებ. ცოტა ხანში ლიდერად რომ წარმოგვიჩინა, ფანჩატურში რომ დასხდნენ და ათასგვარ რეზოლუციებს თუ ქარტიებს მოაწერეს ხელი და უკვე კეთილშობილი რომ გახდა ეს ქალბატონი, ესეც გემახსოვრებათ, – განაცხადა თავდაცვისა და უშიშროების საპარლამენტო კომიტეტის თავმჯდომარის პირველმა მოადგილემ თენგიზ შარმანაშვილმა ნიკა გვარამიაზე საუბრისას.
მისივე თქმით, გვარამიას რაც კონკრეტულ მომენტში სჭირდება იმას ამბობს.
„არ ჩათვალოთ, რომ ეს არის მისი პირადი განწყობა, რასაც შეუკვეთენ, იმას ამბობს“, – აღნიშნა თენგიზ შარმანაშვილმა.
იმ შემთხვევაში თუ გიორგი გახარიას 20 ივნისის გამო დააკავებენ, ნიკა გვარამიასთვის გახარია პოლიტიკური პატიმარი იქნება. გვარამია პოლიტპატიმრად მიიჩნევს ყველას, ვინც როგორც თავად აცხადებს პოლიტიკური პროცესების გამო არის დაკავებული. 20 ივნისის საქმესაც, რომელზეც სტრასბურგის სასამართლოს გადაწყვეტილებაც არსებობს, ნიკა გვარამია არა სამართლებრივ არამედ პოლიტიკურ საქმედ განიხილავს.